01
сентябрь
2024
«МЕКТЕБІМ-МЕЙІРІМ МЕКЕНІ » АТТЫ САЛТАНАТТЫ ЖИЫН🔔🔔 1ҚЫРКҮЙЕК БІЛІМ КҮНІ ҚҰТТЫ БОЛСЫН!🎉🎉🎉
ҚҰРМЕТТІ МҰҒАЛІМДЕР! Қымбатты оқушылар, ата - аналар!
Сіздерді бүгінгі 1 қыркүйек Білім күнімен және жаңа оқу жылының басталуымен шын жүректен құттықтаймыз!
Сіздерге бүгінгі ерекше, жайма шуақ күні жақсы көңіл күй, жаңа жетістіктер мен ұдайы ізденіс, шығармашылық табыс, мықты денсаулық және жаңа бастамаларда тек қана сәттілік тілейміз!
Бүгінгі мерекелік іс-шарада мектеп директоры Абылбаева Васила Ибрагимқызы көптен күткен мереке -БІЛІМ КҮНІМЕН құттықтап, іс-шараны ашып берді. Мектеп инспекторы полиция аға лейтенанты Ермаханбетов Ерсін барша ұстаздар мен оқушыларды бүгінгі білім күнімен құттықтап, жолда жүру ережесімен және мектептің ішкі тәртібімен таныстырып өтті.
Мерекелік іс-шара қонақтары мектебіміздің ардагер ұстаздары Шоқыбасов Сламбай ағай, Әріпбаева Шолпан апай, Оразбаев Нұрлан ағай.Төлеби аудандық маслихаттың депутаты, “Ауыл” партиясының мүшесі Сейданов Талгат Мекенбайулы.Ата-аналар комитеті төрайымы Калиева Толғанай апай мектеп табалдырығын алғаш аттаған бүлдіршіндерге жүрек жарды ыстық лебізін білдірді.
Сонымен қатар Талғат Мекенбайұлы мектеп табалдырығын алғаш аттаған бүлдіршіндерге оқуда озат болсын деген ниетпен,оқуға қажетті кеңсе заттарын тарту етті.Іс-шарада әннен інжу-маржан шашылып, мың бұралған биші қыздарымыз қонақтар мен жиынға қатысушыларды өнерлерімен тәнті етті.
