«АБАЙ ОҚУЛАРЫ» БАЙҚАУЫНЫҢ ЖЕҢІМПАЗДАРЫ МАРАПАТТАЛДЫ

«Қаратау дәстүрлі өнер» мектебінде «Абай оқулары» қалалық,аудандық байқауларының жеңімпаздарын марапаттау іс-шарасы өтті. Байқаудың мақсаты – жас ұрпақтың интеллектуалдық пайым-парасатын арттыру, дарынды оқушыларды және олардың ұстаздарын қолдау. 

Шымкент қаласы білім басқармасы қала әкімдігінің қолдауымен 1-10 сынып оқушылары арасында «Абай оқулары» байқауын өткізген болатын. Абай шығармашылығын насихаттау, оқушылардың классикалық әдебиеттерді оқуға деген қызығушылығын арттыру, шығармашылық қабілеттерін дамыту, ұлы ақынның поэзиясын, рухани мұрасын дәріптеу мақсатында ұйымдастырылған байқауға жалпы 245 665 оқушы қатысты. Байқау сыныпішілік, мектепішілік, аудандық және қалалық кезеңдерді қамтыды.

Іс-шарада қала әкімінің орынбасары Сәрсен Құранбек аудандық және қалалық,аудандық кезеңдерінің жеңімпаздарын құттықтап, қаржылай сыйлықтарын табыс етті. Абайды оқыған бала нағыз патриот болып өсетінін, аталған байқауды кеңірек насихаттау керек екенін айтты 

Осы байқауға Шымкент қаласы білім басқармасына қарасты №120 жалпы орта білім беретін мектептің 10 сынып оқушысы Пернебекқызы Мерей «Абай оқулары»  байқауының аудандық кезеңінде ІІ орын иегері атанып, жетекшісі  қазақ тілі мен әдебиеті пәнінің мұғалімі Ботабекова Элмира Жорабекқызы

 «Al-Farabi Bilim» және “FinBridge International School” мектептерінің бас құрылтайшысы Есбол Қамбаровтың демеушілік етуімен қаржылай сертификаттарға ие болды.