ЕРТЕ ЖҮКТІЛІКТІҢ АЛДЫН АЛУ НЕМЕСЕ ҚЫЗ БАЛА ТӘРБИЕСІ ТУРАЛЫ ТҮСІНДІРМЕ ЖҰМЫСЫ

Шымент қаласы Б.Момышұлы атындағы №120 жалпы орта мектебі коммуналдық мемлекеттік мекемесінде 2025 жылдың 10 сәуір күні директордың тәрбие ісі жөніндегі орынбасарлары А.Ж.Байболатова,С.С.Алимкулова және мектеп медбикесі Ж.Кадырбаеваның ұйымдастыруымен 8-10 сынып қыздарының қатысуымен Кәмелетке толмағандар арасында құқық бұзушылықтың, суицидке жол бермеу, зорлық-зомбылықтың алдын алу, әлімжеттік, буллинг, кибербуллингтің алдын алу мақсатында қыздар жиналысы болып өтілді. Жиын барысында көкейлерінде жүрген сұрақтарымен бөлісіп, жауап алынды.

«Ерте жүктіліктен қалай сақтануға болады? Ерте жүктілік немен қауіпті?, - деген сауал төңірегінде ой қозғап, бейнероликтер көрсетіліп,8-10 сынып қыздарымен пікір алмасты. Сонымен қатар қыздың тәрбиесі жөнінде бейнеролик көрсетіліп, қыздар өздеріне жақсы әсер алды.

«Қыз өссе елдің көркі» деген сөз бекер айтылмаған. Қыз бала-өміріміздің арқауы , болашақ ұрпағымыздың анасы. Сондықтан қыздарымыздың бойына ұлттық тәрбиені, имандылық қасиеттерді молынан сіңіре білсек, қазағымыздың әдет-ғұрпын жақсы білетін, ата-анасының абырой-атағына көлеңке түсірмейтін ибалы да инабатты бойжеткендерді тәрбиелей білген болар едік!