Жаңа жыл мерекесі

Жаңа жыл мерекесі - әлемдегі қуанышқа толы мерекелердің бірі. Жаңа жыл ғажайыпқа, сиқырға толы мереке болып саналады. Сондықтан Жаңа жыл мерекесін әсіресе, балалар асыға күтеді.

Шымкент қаласы білім басқармасына қарасты Б.Момышұлы атындағы №120 жалпы орта білім беретін мектебінде желтоқсанның 24-27күндері 1-11 сынып оқушылар арасында жаңа жыл мерекесі өткізілді. Мереке қарсаңында мектеп спорт залы әсем безендіріліп шырша құрылды.Мектептің безендірілуіне және мерекенің өтуіне 9-11-сынып оқушылары белсене қатысты.

Мерекелік бағдарлама барысында жаңа жылдық көріністер қойылып, көңілді флешмоб өткізілді. Оқушылар қызықты қойылымдар тамашалап, ән айтып, би биледі. Аяз ата мен ақшақар оқушыларға арнайы тәтті сыйлықтар таратып, жаңа жылдық көңіл-күй сыйлады. Жиналған қауым өте жақсы көңіл күйде болды.

Мектебіміздің директоры В.И. Абылбаева оқушыларды жаңа жыл мерекесімен құттықтады.

Жаңа жыл барлық отбасыға жақсылығымен келсін.