«943-нысаналы мектептерді дамыту» жобасын іске асыру

«Мектептегі білім сапасын басқару: стратегиядан практикаға» тақырыбындағы 3 күндік республикалық семинары басталды.

Семинарды Қазақстан Республикасы Оқу-ағарту министрлігінің Орта білім беру комитетінің төрағасы Жұмашев Қаныбек Бекболатұлы ашып, іс-шараның мақсатымен таныстырып өтті.

Семинар жұмысына мақсатты мектеп басшылары, басшы орынбасарлары, әдіскер-менторлар, Шымкент Қаласының Білім Басқармасы басшы орынбасары мен әдістемелік кабинет меңгерушілері, мүдделі ұйым басшылары мен қызметкерлері қатысты.

Мектеп басшыларына арналған семинар жұмысының алғашқы күнін “Өрлеу” БАҰО” АҚ филиалы Шымкент бойынша Кәсіби даму институты қызметкерлері «Мектепті дамыту бағдарламасы» тақырыбы аясында GROW техникасы арқылы ағымдағы жағдайды анықтау және мектеп мәселелерін талдау; қол жеткізуге болатын мақсаттарды қою және дамуды жоспарлау қыр-сырын зерделеп, жан-жақты талдау жасады. Өзгерістер мен толықтырулар енгізуде тиімді кері байланыс беріліп, теориялық білімді практикада қолдануға машықтанды.

Семинар барысында 3-4 сессияларда Шымкент қаласындағы үздік мектеп басшыларының табысты кейстерімен алмасуымен жалғасты. Мектеп басшыларына арналған семинар жұмысының алғашқы күнінде филиалы тарапынан оқытудың теориялық ғылыми негізі мен тәжірибе алмасу, әдістемелік сүйемелдеу, қолдау жұмыстары жан-жақты жүргізілді.