09
январь
2024
Тоғызқұмалақ ойыны
Шымкент қаласы білім басқармасына қарасты Б.Момышұлы атындағы №120 жалпы орта білім беретін мектебінің 9-11 сынып оқушылары арасында тоғызқұмалақтан жарыс өткізілді.
Ойын мақсаты – ойыншы өз қазанына кемінде 82 құмалақ жинап жеңіске жету. Тоғызқұмалақтың мыңдаған жылдық тарихы бар, қазіргі уақытта әлемге әйгілі зияткерлік ойындардың ішінде ерекше маңызға ие ата-бабамыздан қалған асыл мұраларымыздың бірі. Республикамыздың әр түкпірінен табылған, тасқа қашалып қалдырылған тоғызқұмалақ тақтасының бейнелері де ойынның өте ертеде пайда болғанынан хабар береді.
Тоғызқұмалақ ойынының мәні – адамға үйлесімді (гармониялық) тәрбие беру, кез-келген жанның ақыл-ойын шыңдау, ми қызметін дамыту және қоғам алдындағы жауапкершілікті арттыру.
Тоғызқұмалақ-бабаларымыздың ұрпағына қалдырған баға жетпес сыйы, рухани құндылығы, аманаты. Бұл ойын ең жетілген спорт түрлерінің бірі ретінде адамзатты жаңа шыңдарға жетелейтін ойы кең, рухы биік, саналы тұлғаларды тәрбиелеудің қуатты құралы бола алады.
Тоғызқұмалақ жарысы Білім басқармасының қосымша білім беру орталығының жылдық жоспарына сәйкес Ұлттық Мектеп Лигасына іріктеу аясында өткізілді.
Все реакции:11Василя Абылбаева, Айгул Ашимбекова и ещё 9