«Ағылшын тілі бойынша интерактивті ойындар арқылы оқушылардың пәнге қызығушылықтарын арттыру» тақырыбында коучинг

       Шымкент қаласы білім басқармасына қарасты Б. Момышұлы атындағы №120 жалпы орта білім беретін мектебінде 02.12.2024ж  ағылшын тілі пәні мұғалімдері Г.А.Есболганова мен А.С.Жаксылыкова «Ағылшын тілі бойынша интерактивті ойындар арқылы оқушылардың пәнге қызығушылықтарын арттыру» тақырыбында коучинг, тренинг сабағы өтті  «Сабақ беру үйреншікті жай ғана шеберлік емес, ол жаңадан жаңаны табатын өнер», деп Жүсіпбек Аймауытов өткен ғасырда айтқан екен. Ұстаз күнделікті сабақты өткізуде қиыннан қиыстырып, бала жүрегіне жол таба білуі керек. Әр ұстаз алдында отырған балаға сабақты әр түрлі әдіс-тәсілдерді пайдалана отырып, білімді жүйелі де терең беруге тырысады.

Ойын –балалардың негізгі іс-әрекетінің бірі. Балалар ойын барысында өздерін еркін сезінеді, ізденімпаздық, тапқырлық әрекетін байқатады. Ойнау кезінде бала қуаныш пен реніш сезіміне бөленеді. Ойын баланың ойлау қабілетін дамытады, сөздік қорын толықтырады, түрлі дағды мен шеберлікті меңгертеді, қиындықты жеңуге, төзімділікке баулиды. Ойынның негізгі мақсаты – баланы қызықтыра отырып, өткен тақырыпты берік меңгерту, берілген білімді саналарында сақтап қалулары үшін жұмыс жасау. Яғни, ойынның пәндік мазмұны басты назарда болуы керек. Тек сол жағдайда ғана ойын оқушылардың ойлау қабілетін дамытып, білімділік, тәрбиелік мақсаттарға жетуге септігін тигізеді.  Тренингке қатысқан әріптестері Гулназ бен Айсулуға қызықты өткен тренинг сабағы үшін алғыс айтып, оң баға беріп, шығармалық табыстар тіледі.