«Дублёр күні»

Шымкент қаласы білім басқармасына қарасты Б.Момышұлы атындағы №120 жалпы орта білім беретін мектебінде Ұстаздар  күніне арналған  «Өзін-өзі басқару» «Мектеп парламенті» ұйымының ұйымдастыруымен «Дублёр күні» өткізілді. 

     Мектеп Парламент мүшелері «Дублёр күні» жоспарын мектеп әкімшілігімен  талқылап, сабақ кестесіне сәйкес оқушылар мұғалімдермен алмастырылып, 10-11 сыныптар сабақ берді. Өзін-өзі басқару ұйымы мүшелері Мектеп директоры Тұрғын Абай, ДОІЖО Досалы Білімжан, Жұмаділ Нұргүл,  ДТІЖО Ақпанбет Асылжан, Тулеген Мерей,   Әлеуметтік педагог Төлтебай Айшабибі, педагог-ұйымдастырушы Құралбай Жаннұр мектеп әкімшілігінің міндетін атқарып, белсенділік танытты.  

Өзін-өзі басқару жұмысын жандандыру, тұлғаның көшбасшылық қасиеттерін ашу және білім алушылардың ұйымдастырушылық қабілеттерін іске асыру мақсатында ұйымдастырылған «Дублёр күнінде» оқушылар жауапкершілікті сезініп, өздеріне жүктелген міндеттерді өз деңгейінде атқарды. Ұстаздық қызметтің қызығы мен қиындығы туралы өзара пікірлерімен бөлісті.